حُسن شناس

حُسن ظاہری ہو یا باطنی، خوبصورت ہو یا خوب سیرت، حُسنِ اخلاق ہو یا حُسنِ ذوق۔ انہیں رکھنے والے تین قسم کے لوگ ہوتے ہیں۔ ایک وہ جو اپنی خصوصیت سے نا بلد اور بے خبر ہوتے ہیں۔ دوسرے وہ جو باخبر ہوتے ہیں، مگر بے ہوش ہوتے ہیں۔ تیسری اور سب سے خطرناک قسم کے لوگ وہ ہوتے ہیں جو با خبر بھی ہوتے ہیں اور با ہوش بھی۔میرا خیال ہے کہ ان میں سب سے زیادہ فائدے میں پہلی قسم کے لوگ رہتے ہیں کہ بے خبری اور نا سمجھی، غرور اور تکبر میں پڑنے سے بچا لیتی ہے اور عجز کا بیج بو دیتی ہے۔