Dear Diary!
Aaj bht din ke baad tumhain haath lagaya hai...yeh such hai sahaili ke insan gharz ka banda hai....ab yehi daikh lo ke main jitnay din kisi ham-nawa ke baghari raha tum se ba-qayeda ham kalam hota rha......jaisay hee mujeh mehsoos hua ke mujh se meri hee zuban main ham kalam honay wala koi ham mizaaj mere ird gird moujood hai, main ne tumhain bhula dia.
Main sharminda hoon dear diary! main bhool gaya tha ke tum tou mustaqil sahaili ho...aisi sahaili jis ko mujh se koi gharz nahi, jis ne mujhe kabhi bura bhala na kaha, jis ne mujhe kabhi sarzanish kerni hai na naseehat.........kitna ehmaq hoon main ke tumhain bhula ker, tumhain bhula ker main ne aik aisay ko dam-saaz bana lia...jis ka itnay dino se kahin ata pata hi nahi........I am extermely sorry pyari diary! ...mujeh ilm hai ek tum ne mujhe maaf ker dia hai kyunke tumhara dil bara hai, tum sab naraziyan apnay andar samo ker mujhe phir se galay laga laiti ho...........Ham insanon main yeh greatness adam-dastiyab hai aaj kal...........ham insan naraz na honay wali baat per naraz ho jatay hain aur phir umr bhar is ki waja bayan ker ke inzhaar-e narazgi kertay rehtay hain."
Writer: Aneeza Syed.
0 comments:
Post a Comment